Mohan ne gamvā ne icchho mān nī, tyāgo sarve jūṭhī man nī ṭek jo;
Pativratā no dharm achal karī pāljo, Hari charaṇe rehejo ablā thi chhek jo – 1
Valī ek vāt kahuñ chhuñ adhik vivek nī, sām̃bhal benī tārā sukh ne kāj jo
Harijan sang̃e rākho pūrṇprītḍī, tyāgo mad matsar juṭhī kul lāj jo – 2
Sukhdāyak tuñ jāṇe suñdar shyām ne, ati duhkh dāyak man potā nuñ jāṇjo
Muktānañd no Nāth magan thi sev jo, samjī vichārī bolo amrut veṇjo-3
Sām̃bhal benī Hari rījhyānī rītḍī, Mohan var ne mān sañgāthe ver jo;
Sādhan sarve mān bagāḍe pal vishe, jem bhalīyuñ paysākar mañ ahijher jo – 1
Dāsī thine raheje Dīndayāl nī, nīchī ṭel male to māne bhāgy jo
Bhav Brahmādik ne nishche maltī nathī, Puṛūshottam pāse beṭhānī jāgy jo – 2
Prīt kare Puṛūshottam sāthe nitya navī, dajhīsh mañ dekhī kenuñ sanmān jo
Muktānañd no Nāth magan thi sev jo, to rījhe rasiyo suñdarv kahān jo-3
મોહનને ગમવાને ઈચ્છો માનની, ત્યાગો સર્વે જૂઠી મનની ટેક જો;
પતિવ્રતાનો ધર્મ અચળ કરી પાળજો, હરિચરણે રહેજો અબળા થઈ છેક જો…મોહનને૦ ૧
વળી એક વાત કહું છું અધિક વિવેકની, સાંભળ બેની તારા સુખને કાજ જો;
હરિજન સંગે રાખો પૂરણ પ્રીતડી, ત્યાગો મદ મત્સર જુઠી કુળ લાજ જો…મોહનને૦ ૨
સુખદાયક તું જાણે સુંદર શ્યામને, અતિ દુઃખદાયક મન પોતાનું જાણજો;
મુક્તાનંદનો નાથ મગન થઈ સેવજો, સમજી વિચારી બોલો અમૃત વેણજો…મોહનને૦ ૩
સાંભળ બેની –રાગ : બિલાવલ પદ–૨
સાંભળ બેની હરિ રીઝ્યાની રીતડી, મોહનવરને માન સંગાથે વેર જો;
સાધન સર્વે માન બગાડે પળ વિષે, જેમ ભળીયું પયસાકરમાં અહિઝેર જો…સાંભળ૦ ૧
દાસી થઇને રહેજે દીનદયાળની, નીચી ટેલ મળે તો માને ભાગ્ય જો;
ભવ બ્રહ્માદિકને નિશ્ચે મળતી નથી, પુરુષોત્તમ પાસે બેઠાની જાગ્ય જો…સાંભળ૦ ૨
પ્રીત કરે પુરુષોત્તમ સાથે નિત્ય નવી, દાઝીશમાં દેખી કેનું સન્માન જો;
મુક્તાનંદનો નાથ મગન થઇ સેવજો, તો રીઝે રસિયો સુંદરવ કહાન જો…સાંભળ૦ ૩
